|
Detalles na Casa Rural de Graña da Acea:
Son, na súa maioría, enseres recuperados do esquecemento que poñen en valor a historia das Casas Rurais en Galiza. Mobles de castiñeiro con incrustacións de buxo: camas, cómodas, vitrinas e aparadores. Obxectos da vida cotiá das casas de labranza: arados, carros e ferramentas. E obxectos da vida doméstica: lucernas, candís, vaixelas e a máquina de coser. Destacan especialmente os debuxos de esceas familiares asinados por Jesito a principios do século XX. Jesito era profesor de debuxo no Instituto Menéndez Pidal e no colexio Maristas da Coruña polos anos 30 do século pasado.
| 
